ALBA GEADA BERNAL, GAÑADORA DO CERTAME LITERARIO DE TRASBAR

Alba Geada no momento de recoller o premio e o diploma acreditativo de mans dun integrante da directiva da asociación convocante.

Alba Geada Bernal (Burela, 2004) foi a gañadora do IVº Certame de Narración convocado pola A.V. de Trasbar (Cervo) para conmemorar o Día das Letras Galegas. A alumna do IES Perdouro fíxose co primeiro premio da categoría xuvenil co relato titulado "Un conto para Xela", ambientado na emigración galega a outras comunidades do Estado.

O xurado composto pola escritora Rita Morrigan, polo dramaturgo Francisco Piñeiro e pola directora teatral María Paz Rodríguez Silva reuniuse durante a mañá do día 17 de maio e resolveu outorgar os premios aos relatos presentados por Andrea Eixo Rodríguez (en categoría infantil), Alba Geada Bernal (en categoría xuvenil) e Irene Rega Jul (en categoría de persoas adultas).