O Modelo Burela chama a atensión. Aida López
Ler entrevista no xornal A Voz de Galicia: http://www.lavozdegalicia.es/amarina/2011/01/14/0003_8963695.htm
14/01/11
Primeiros resultados da aplicación do “Modelo Burela” no Vicedo
ENTRE OUTRA DOCUMENTACIÓN, REXISTROUSE O ACHADO DE DÚAS OBRAS LITERARIAS INÉDITAS
A aplicación do sistema de traballo do Modelo Burela está dando resultados moi satisfactorios na localidade do Vicedo. Iso é o que se desprende das palabras da profesora Aida López Vale, a impulsora desta iniciativa, quen mostrou ao alumnado de Bacharelato do IES Perdouro os primeiros resultados obtidos tras unha primeira fase de recompilación documental.
A aplicación do sistema de traballo do Modelo Burela está dando resultados moi satisfactorios na localidade do Vicedo. Iso é o que se desprende das palabras da profesora Aida López Vale, a impulsora desta iniciativa, quen mostrou ao alumnado de Bacharelato do IES Perdouro os primeiros resultados obtidos tras unha primeira fase de recompilación documental.
Na última semana de setembro,
coincidindo co inicio do curso 2010-2011, a profesora Aida López Vale
participou nos XVIII Encontros Pedagóxicos da Mariña e neles asistiu a
un obradoiro de divulgación da estratexia didáctica posta en práctica
pola Área de Innovación Educativa do IES Perdouro. Tras unha primeira
impresión positiva, solicitou a documentación xerada polas actividades
realizadas en Burela e estudou a viabilidade dunha intervención de
dinamización lingüística semellante no concello do Vicedo e decidiu
poñela en marcha.
A primeira fase do proxecto consistiu nunha recompilación documental entre o vecindario da parroquia do núcleo municipal. Para a súa sorpresa, entre a documentación achada xa polo momento están obras literarias inéditas de dous escritores relacionados coa localidade. A reprodución dun fragmento dun poema permitiu á investigadora dar en Barcelona coa familia do poeta Guillermo Carballo Porta (Redes-Ares, 1905 – O Videdo, 1982) e encontrar naquela cidade unha parte importante da creación literaria escrita por este emigrante galego moi especialmente no período comprendido entre 1960 e a data da súa morte.
A primeira fase do proxecto consistiu nunha recompilación documental entre o vecindario da parroquia do núcleo municipal. Para a súa sorpresa, entre a documentación achada xa polo momento están obras literarias inéditas de dous escritores relacionados coa localidade. A reprodución dun fragmento dun poema permitiu á investigadora dar en Barcelona coa familia do poeta Guillermo Carballo Porta (Redes-Ares, 1905 – O Videdo, 1982) e encontrar naquela cidade unha parte importante da creación literaria escrita por este emigrante galego moi especialmente no período comprendido entre 1960 e a data da súa morte.
13/01/11
Aplicación do "Modela Burela" no Vicedo
A profesora Aida López Vale, impulsora da aplicación do “Modelo Burela”
de Planificación Lingüística no termo municipal do Vicedo, expoñerá ao
alumnado de Bacharelato do IES Perdouro os primeiros resultados obtidos
tras unha primeira fase de recompilación documental. A actividade
realizarase na Biblioteca do instituto ás 9 da mañá do venres, día 14 de
xaneiro.
Na última semana de setembro, coincidindo co inicio do curso 2010-2011, a profesora Aida López Vale participou nos XVIII Encontros Pedagóxicos da Mariña e neles asistiu a un obradoiro de divulgación da estratexia didáctica posta en práctica pola Área de Innovación Educativa do IES Perdouro. Posteriormente, valorou as posibilidades de aplicación da metodoloxía do “Modelo Burela” para realizar unha intervención de dinamización lingüística no concello do Vicedo e decidiu poñela en marcha.
A primeira fase do proxecto consistiu nunha recompilación documental entre o vecindario da parroquia do núcleo municipal. Unha vez realizada a valoración inicial dos documentos, ten previsto en datas próximas dálos a coñecer ao público por medio dunha exposición.
Diplomada en Educación Infantil pola Escola Universitaria de Formación do Profesorado da Universidade da Coruña, Aida López Vale (O Vicedo; 1978) traballou na sección de Administración de Sistemas Informáticos da Facultade de Ciencias Económicas e Empresariais da Universidade de Santiago de Compostela (2003-2005) e actualmente exerce docencia de Ofimática (deseño de páxinas web para adultos e clases de programación e robótica para nenos) en Viveiro.
Na última semana de setembro, coincidindo co inicio do curso 2010-2011, a profesora Aida López Vale participou nos XVIII Encontros Pedagóxicos da Mariña e neles asistiu a un obradoiro de divulgación da estratexia didáctica posta en práctica pola Área de Innovación Educativa do IES Perdouro. Posteriormente, valorou as posibilidades de aplicación da metodoloxía do “Modelo Burela” para realizar unha intervención de dinamización lingüística no concello do Vicedo e decidiu poñela en marcha.
A primeira fase do proxecto consistiu nunha recompilación documental entre o vecindario da parroquia do núcleo municipal. Unha vez realizada a valoración inicial dos documentos, ten previsto en datas próximas dálos a coñecer ao público por medio dunha exposición.
Diplomada en Educación Infantil pola Escola Universitaria de Formación do Profesorado da Universidade da Coruña, Aida López Vale (O Vicedo; 1978) traballou na sección de Administración de Sistemas Informáticos da Facultade de Ciencias Económicas e Empresariais da Universidade de Santiago de Compostela (2003-2005) e actualmente exerce docencia de Ofimática (deseño de páxinas web para adultos e clases de programación e robótica para nenos) en Viveiro.
14/12/10
Aplicación da metodoloxía do "Modelo Burela" no Vicedo
Artigo de Aida López Vale titulado Aplicación da metodoloxía do "Modelo Burela" no Vicedo: un novo éxito desta estratexia normalizadora, publicado pola Universdidade da Coruña en 2011 durante as xornadas Lingua e Sanidade, VII Xornadas sobre Lingua e Usos: [A Coruña, 1-3 de decembro de 2010]
Ler artigo na seguinte ligazón: http://ruc.udc.es/dspace/bitstream/2183/8886/1/CC121art12.pdf
11/12/10
Asinando convenio para a difusión do “Modelo Burela” nas verbenas populares
A promoción da interculturalidade é un
dos obxectivos principais do convenio asinado o venres 10 de decembro na
Biblioteca do Instituto Perdouro. No acto de presentación pública e do
protocolo de sinatura do documento subscrito polo Grupo Musical Alma
Latina C.B., a área de Innovación Educativa e o Equipo de Dinamización
Lingüística do citado centro educativo participaron Alberto Prado e
Sandra García Martínez (en representación do grupo musical) e María José
Andión (da Área de Innovación Educativa) e Miruca Parga (do Equipo de
Dinamización Lingüística), ambas do IES Perdouro.
O convenio, destinado á divulgación do
Modelo Burela de convivencia lingüística nas verbenas populares, é o
resultado de diversas reunións de traballo conxunto realizado entre o
centro educativo e a empresa de espectáculos. Entre as súas cláusulas
figura que para a confección do repertorio das actuacións terase en
conta o criterio da interculturalidade, reservando un 33% para a
interpretación de temas cantados en idioma galego (ben sexa de pezas
orixinais da nosa música ou de adaptacións das cantadas orixinariamente
noutros idiomas). Outros aspectos que se abordan no documento son os da
animación e comunicación co público, a comunicación corporativa da
empresa así como a documentación administrativa para os contratos
laborais e mercantís.
A Orquestra Alma Latina
de Burela foi cofundada por Sandra García Martínez (Tapia de Casariego;
1982) e Alberto Prado (Cervo; 1968). A vocalista principal ten estudos
de acordeón e, antes de participar na fundación de Alma Latina, exerceu
como vocalista nas orquestras Planeta, Occidente e Doble Fila. Alberto
Prado entrou en contacto coa música a través da asociación Airiños do
Xunco, onde aprendeu a tocar a gaita. Posteriormente nos conservatorios
de Viveiro e Vilalba realizou estudos regrados de frauta e saxofón,
obtendo o Grao Profesional. No seu currículo figura a gravación de dous
discos e numerosas actuacións co grupo Nordés.
Iniciativa aberta
Iniciativa aberta
O Instituto Perdouro tiña xa promovido un acordo destas características coa Sociedade Deportiva Burela, nunha iniciativa que favorece a moi satisfactoria colaboración entre estas dúas entidades desde o ano 2007. Este novo convenio asinado é unha continuación da disposición do centro educativo para o traballo conxunto coas diversas entidades comerciais e empresariais da Mariña interesadas na actualización dos canais de comunicación coa clientela. Neste sentido, o IES Perdouro conta con diversos modelos de convenios e ofrece a empresas e particulares a posibilidade de visualizar a documentación orientativa recollida no Arquivo Documental de Burela.
10/12/10
Alma Latina - empresa Modelo Burela
A área de Innovación Educativa do Instituto Perdouro concedeu un obsequio MODELO BURELA á Orquestra Alma Latina. Foi un recoñecemento público:
Ao seu repertorio intercultural.
Á calidade da animación e comunicación co público.
Ao uso da lingua galega na comunicación corporativa da empresa así como na comunicación administrativa para os contratos laborais e mercantís.
O 10 de Decembro de 2010, o centro educativo e a Orquestra Alma Latina asinamos un convenio de colaboración destinado á difusión do MODELO BURELA nas verbenas populares.
16/11/10
Nas Xornadas sobre a Normalización da UDC falarán do Modelo Burela e do proxecto de Innovación do Perdouro
O Salón de Actos da
Facultade de Ciencias da Educación da Universidade da Coruña acolle
durante esta semana as III Xornadas sobre a Normalización da Lingua e a
Cultura no Ámbito da Educación, nas que terán destacada presenza o
PRoxecto de Innovación Educativa do IES Perdouro e o Modelo de
Planificación Lingüística do Concello de Burela.
Na presente edición, a Facultade de
Ciencias da Educación contará coa participación de representación de
Nova Escola Galega, da Universidade de Santiago, da REal Academia Galega
e de diferentes medios de comunicación. Entre as 4 e as 6 da tarde do
día 18 de novembro, realizarase un debate sobre o Modelo Burela, para o
que se contará coa participación de representantes docentes e de
ex-alumnos do IES Perdouro que agora están continuando a formación na
Universidade da Coruña.
A colaboración entre o IES Perdouro e a
Universidade da Coruña continuará durante os meses de novembro e
decembro en dous eventos máis. O sábado 27 de novembro, o profesor
Bernardo Penabade intervirá nas xornadas “Ricardo Carvalho Calero:
ciencia, literatura e nación” coa exposición sobre o labor do
catedrático ferrolano como planificador lingüístico. Nas mesmas
xornadas, o día 25 ás 8 da tarde será proxectado un audiovisual con unha
entrevista inédita a Carvalho Calero realizada polo profesor Ramón
Reimunde Noreña.
Finalmente, no día 2 de decembro, a
coordinadora de Innovación Educativa do IES Perdouro, María José Andión
Fontela, participará nas VII Xornadas de Lingua e Usos, que nesta
edición están dedicadas á relación entre a lingua e a sanidade.
Aproveitando a súa presenza neste evento académico, a representante do
IEs PErdouro aproveitará a ocasión para entregar unha memoria de
actuacións pedagóxicas a Xosé Luís Méndez Ferrín (presidente da RAG) así
como aos representantes das forzas políticas con representación
parlamentar. En reunión con Goretti Sanmartín, responsábel da área de
Dinamización da Universidade da Coruña, avaliará a posibilidade de
colaboración para outras actividades académicas a realizar durante o ano
2011.
01/11/10
O Concello de Burela subscribe a declaración sobre memoria colectiva impulsada diversas entidades locais galegas
Burela, 1 de novembro de 2010. Con motivo da conmemoración do Día de
Defuntos, o Concello de Burela realizará mañá martes, día 2 de novembro,
unha serie de actividades destinadas a lembrar a aqueles que xa non
están con nós. Ditas actividades servirán tamén para dar a coñecer
publicamente que o Concello subscribe a Declaración sobre Memoria
Colectiva impulsada por diversas entidades locais galegas e que coincide
substancialmente coa liña de traballo e os obxectivos do Modelo Burela
de Planificación Lingüística. Polo momento fixérono: Santiago de
Compostela, A Estrada, Vilagarcía de Arousa, Mondariz Balneario, Maceda,
Calvos de Randín, Baltar, Castro Caldelas, Moaña, Poio, Outes, Boiro e A
Fonsagrada.
Ás 6 da tarde, unha comitiva formada por representantes municipais e do grupo de Innovación Educativa do IES Perdouro visitará o cemiterio parroquial, onde será recibida por Néstor Valle Gómez (coidador dos cemiterios parroquial e municipal de Burela), quen realizará o labor de guía para explicar o patrimonio recollido en determinadas lápidas. Fillo do modesto contratista de obras –e enterrador no cemiterio parroquial- Nestor Valle Casas, Valle Gómez (Burela, 1959) leva xa desde os 13 anos atendendo os cemiterios da localidade, actividade da que se ocupa en exclusiva desde 1994 (a data na que se xubilou o pai).
Posteriormente, ás 7 da tarde, no Salón de Conferencias, será proxectado o audiovisual Palabra e Memoria, unha composición de Matías Nicieza centrada nunha exposición de fotografías de inscricións funerarias realizadas pola fotoxornalista Pepa Losada.
Durante a clausura da actividade, os representantes municipais entregaranlle a Néstor Valle Gómez un pequeno obsequio, en recoñecemento á súa constancia no labor de preservar a memoria colectiva.
Máis premios
Por outra banda, o Concello de Burela recibirá nos próximos días ao equipo de normalización do IES Perdouro para agradecerlles o traballo realizado no centro educativo ao acadar o Premio á innovación en normalización lingüística nos centros escolares.
O alcalde de Burela, Alfredo Llano, enviou unha carta aos equipos de normalización lingüística, á dirección e ao claustro de profesores/as, na que lles traslada “en nome propio e no da Corporación Municipal os parabéns polo voso magnífico traballo en prol da normalización do noso idioma que vén de ser recoñecido co Premio á innovación en normalización lingüística nos centros escolares. Somos conscientes de que o noso idioma avanzará grazas á vosa contribución, por iso, saudámosvos afectuosamente e agradecémosvos o traballo que vides realizando”.
Ás 6 da tarde, unha comitiva formada por representantes municipais e do grupo de Innovación Educativa do IES Perdouro visitará o cemiterio parroquial, onde será recibida por Néstor Valle Gómez (coidador dos cemiterios parroquial e municipal de Burela), quen realizará o labor de guía para explicar o patrimonio recollido en determinadas lápidas. Fillo do modesto contratista de obras –e enterrador no cemiterio parroquial- Nestor Valle Casas, Valle Gómez (Burela, 1959) leva xa desde os 13 anos atendendo os cemiterios da localidade, actividade da que se ocupa en exclusiva desde 1994 (a data na que se xubilou o pai).
Posteriormente, ás 7 da tarde, no Salón de Conferencias, será proxectado o audiovisual Palabra e Memoria, unha composición de Matías Nicieza centrada nunha exposición de fotografías de inscricións funerarias realizadas pola fotoxornalista Pepa Losada.
Durante a clausura da actividade, os representantes municipais entregaranlle a Néstor Valle Gómez un pequeno obsequio, en recoñecemento á súa constancia no labor de preservar a memoria colectiva.
Máis premios
Por outra banda, o Concello de Burela recibirá nos próximos días ao equipo de normalización do IES Perdouro para agradecerlles o traballo realizado no centro educativo ao acadar o Premio á innovación en normalización lingüística nos centros escolares.
O alcalde de Burela, Alfredo Llano, enviou unha carta aos equipos de normalización lingüística, á dirección e ao claustro de profesores/as, na que lles traslada “en nome propio e no da Corporación Municipal os parabéns polo voso magnífico traballo en prol da normalización do noso idioma que vén de ser recoñecido co Premio á innovación en normalización lingüística nos centros escolares. Somos conscientes de que o noso idioma avanzará grazas á vosa contribución, por iso, saudámosvos afectuosamente e agradecémosvos o traballo que vides realizando”.
26/10/10
Fomento da lectura ao estilo “Modelo Burela”
A biblioteca do
Instituto Perdouro foi o escenario dunha actividade moi especial de
fomento da lectura. Nela realizouse a primeira presentación de Soños chuchados en apreixos furtados, á súa vez a primeira publicación do profesor Luís Ramilo, docente da área de Imaxe Persoal neste centro educativo de Burela.
No acto, o autor estivo acompañado na
mesa pola vicedirectora, Karina Parga, e polo profesor de Lingua e
Literatura Bernardo Penabade. A presentadora do acto indicou que tiñan
escollido esta data para commemorar o Día das Bibliotecas Escolares e a
seguir aproveitou a ocasión para presentar o programa de actividades a
realizar nesta primeira parte do curso así como tamén as melloras
infraestruturais realizadas no propio Salón de Lectura onde se celebrou
esta presentación literaria.
Pola súa parte, Bernardo Penabade
indicou que a obra é unha síntese de artes plásticas e literarias, moi
ao estilo das publicacións vangardistas que veñen aparecendo desde hai
agora un século por todo o continente europeo: “os collages, as pinturas
así como as fotografías de pequenas esculturas están acompañadas de
relatos ou poemas que contan coa particularidade de estaren escritos con
entre 10 e 100 palabras, sempre en números redondos (10, 25, 50, 100).
En todas as composicións están presentes unhas mensaxes moi nobres: a
defensa da paz, o rexeitamento da violencia, o estímulo da forza vital, o
fomento do equilibrio entre os xéneros e, incluso, a rebeldía contra
os anti-valores”.
O autor, Luís Ramilo, comentou que a
xénese da obra procede dunha súa experiencia docente nun centro de
integración de menores da cidade de Vigo. Á vista das especiais
circunstancias en que debería desenvolver o seu traballo, resolveu
realizar unha práctica docente moi vinculada coas manualidades e as
artes plásticas, que máis tarde completou con pequeniñas “cousas”
literarias. A seguir, explicou os motivos que o animaron a decantarse
pola autoedición apoiándose nunha empresa de comunicación dixital.
Quen tamén fixo uso da palabra a
coordinadora do Proxecto de Innovación Educativa do Instituto Perdouro, a
profesora María José Andión, quen tivo palabras de eloxio para Ramilo
Machado polo seu apoio para a implantación do Modelo Burela de
convivencia lingüística. De todos os xeitos, as intervencións máis
aplaudidas de toda a velada literaria foron as das alumnas do ciclo de
Imaxe Persoal Tamara Cuba e Silvia Cotarelo que, en clave de humor,
deron a súa visión da obra, felicitaron o autor e simultaneamente
aproveitaron o acto para reivindicar a implantación na Mariña do ciclo
de estética.
Juan Sama cerrou este acto literario con
parabéns para o autor e agradecemento para a participación do público,
onde destacaba unha nutrida representación do profesorado e de alumnado
dos ciclos formativos. O director do Instituto Perdouro mostrou o desexo
do centro de que a biblioteca acolla no futuro actividades con
características semellantes.
25/10/10
"Soños chuchados en apreixos furtados" - Luís Ramilo Machado
Presentación do libro Soños chuchados en apreixos furtados, do profesor Luís Ramilo (docente da área de Imaxe Persoal).
O acto celebrarase ás 18:15 horas do Luns, 25 de outubro, na Biblioteca.
10/10/10
Casamento "Modelo Burela"
Vaise celebrar a un casamento ao estilo Modelo Burela
Referencia
Ao estilo do que en Asturias se coñece como “Bodas Vaqueiras”, en Burela vaise celebrar un casamento ao estilo Modelo Burela.
A cerimonia comezará ás doce e media do mediodia na igrexa parroquial de Burela. Será oficiada por Ramón Marful, quen xa visualizou o programa e o “aprobou” no referente á parte litúrxica.
Referencia
Ao estilo do que en Asturias se coñece como “Bodas Vaqueiras”, en Burela vaise celebrar un casamento ao estilo Modelo Burela.
A cerimonia comezará ás doce e media do mediodia na igrexa parroquial de Burela. Será oficiada por Ramón Marful, quen xa visualizou o programa e o “aprobou” no referente á parte litúrxica.
A liturxia durará aproximadamente entre
3/4 de hora e 1 hora. Nela actuará a Banda Dambara (á que pertence a
noiva) e recitarase a adaptación dun poema de Manuel María.
Á saída da cerimonia, no adro da igrexa,
escenificarase unha regueifa e interpretaranse dúas danzas: a muiñeira
vella e a muiñeira de Ponte-Ledesma.
A comida está prevista para as 15.30 hrs no Restaurante Louzao, onde elaborarán un menú cos máis tradicionais produtos gastronómicos galegos (entre eles o caldo). Ao remate do xantar, bailarase o vals interpratado en directo pola banda Dambara (vals irlandés con acordeón e gaita) e na hora meiga farase unha queimada.
A comida está prevista para as 15.30 hrs no Restaurante Louzao, onde elaborarán un menú cos máis tradicionais produtos gastronómicos galegos (entre eles o caldo). Ao remate do xantar, bailarase o vals interpratado en directo pola banda Dambara (vals irlandés con acordeón e gaita) e na hora meiga farase unha queimada.
Tanto o guión da cerimonia como as tarxetas de convite -e de recordo- son antolóxicas. Realmente están moi coidados os detalles.
Na cerimonia eclesiástica interpretaranse:
Marcha de Breixo
Marcha Nupcial Galega
Marcha de San Bieito
Hino do Antigo Reino de Galiza
Hoy he vuelto Madre a recordar
O meu toxiño
Unha canción sorpresa
Hino de Galiza “Os Pinos”
Nome das mesas no restaurante Louzao:
Alborada galega
Muiñeira de Chantada
Aires de Pontevedra
Chouteira do Lérez
A Carolina
Foliada de Tenorio
Buxos Verdes
Danza de Patelas
Pasodoble de Pastoriza
Pasodoble de San Roque
Muiñeira da Camposa
A Baitucada
Muiñeira de Lugo
Muiñeira do Piornedo
O Molete
O Verdegaio
Pasodoble corrido
Rumba de Vergara
Rumba dos cinco mariñeiros
La Sansonette
Muiñeira de Freixido
Pasdodoble de Berbés
02/10/10
O "Modelo Burela" nos encontros pedagóxicos da CIG
REMATARON OS ENCONTROS PEDAGÓXICOS DA CIG ENSINO
Máis de 40 profesores e profesoras asistiron ao curso de formación
Ribadeo, 1 de outubro de 2010.- Hoxe venres remataron os XVIII Encontros Pedagóxicos da Mariña celebrados no IES Monte Castelo de Burela e organizados pola CIG-Ensino. Durante toda a semana leváronse a cabo distintos obradoiros e actividades para os máis de 40 profesores e profesoras anotadas, tanto de primaria como de secundaria.
Os obradoiros que se impartiron foron os de creatividade artística, educando á sexualidade e webquest. Dentro das actividades tiveron a presentación do Modelo Burela, a actuación da Burela Blues Band e na tarde de onte un percorrido polo porto de Burela con visitas guiadas ao barco museo, á confraría e á nave das redeiras.
Desde a CIG Ensino mostráronse moi contentos coa aceptación que tiveron estas xornadas formativas e agracederon tanto ao instituto Monte Castelo como ao Concello de Burela a colaboración prestada.
Ribadeo, 1 de outubro de 2010.- Hoxe venres remataron os XVIII Encontros Pedagóxicos da Mariña celebrados no IES Monte Castelo de Burela e organizados pola CIG-Ensino. Durante toda a semana leváronse a cabo distintos obradoiros e actividades para os máis de 40 profesores e profesoras anotadas, tanto de primaria como de secundaria.
Os obradoiros que se impartiron foron os de creatividade artística, educando á sexualidade e webquest. Dentro das actividades tiveron a presentación do Modelo Burela, a actuación da Burela Blues Band e na tarde de onte un percorrido polo porto de Burela con visitas guiadas ao barco museo, á confraría e á nave das redeiras.
Desde a CIG Ensino mostráronse moi contentos coa aceptación que tiveron estas xornadas formativas e agracederon tanto ao instituto Monte Castelo como ao Concello de Burela a colaboración prestada.
15/07/10
PIL 2010-2011
Os contidos e o desenvolvemento do Proxecto de
Innovación Lingüística do IES Perdouro para o curso 2010-2011 poden
verse no arquivo que se achega:
26/06/10
Clausura das actividades do proxecto de innovación lingüística do IES Perdouro de Burela
A biblioteca do Instituto Perdouro acolleu o acto académico de clausura das actividades do Proxecto de Innovación Educativa destinado ao fomento dos usos da lingua galega no termo municipal de Burela. Coa intervención de Cristina Rubal, Vicedirectora Xeral de Planificación e Dinamización Lingüística da Xunta de Galicia, finalizou un acto moi emotivo no que se homenaxeou a tres colectivos moi destacados no compromiso co noso idioma propio: Sofía P. Lestao (da hostelaría), Albano González Cancio (director da Banda de Música Dambara) e Rosana Carballés (en representación do Burela F.S.). Previamente tiñan intervido a coordinadora do proxecto de innovación educativa, a profesora María José Andión; o director do Instituto, Juan G. Sama; o cronista oficial da localidade, Benjamín González; e o alcalde de Burela, Alfredo Llano.
O programa de actividades comezou ás 6 da tarde, coa visita á Escola Infantil de Burela, unha das máis antigas de Galicia e que leva aplicando o Modelo Burela dende os seus inicios, agora feito realidade e dado a coñecer polo noso Proxecto. Cristina Rubal visitou as instalacións por espazo de media hora, acompañada por Teresa Quelle, directora da Escola, e comprobou “ in situ” os métodos de traballo do equipo docente.
Media hora máis tarde, a representante do goberno galego desprazouse ao cemiterio parroquial, onde visualizou os textos de diversas lápidas e mostrou a súa admiración polo labor de dinamización do Proxecto de Innovación do Instituto Perdouro.
Ás sete da tarde, celebrouse o Encontro Letra Viva no IES Perdouro, un acto que contou coa participación de representantes da vida social da localidade. Entre outras personalidades, estiveron presentes a presidenta da Asociación de Veciños “O Vencello”, os presidentes da Sociedade Deportiva Burela e do Clube de Baloncesto Burela e da Asociación de Sendeirismo “Pasada das Cabras”.
Tras a exposición da memoria de actividades, realizada pola profesora María José Andión (coordinadora do Proxecto), os participantes visualizaron a proxección da participación do lingüista hindú Anik Nandi nunha das actividades do Modelo Burela e tributaron unha merecida homenaxe aos promotores do uso lingüístico normalizado nas áreas do deporte, a música e as actividades comerciais. O público acolleu moi vivamente as intervencións de Sofía Prieto, Albano González e Rosana Carballés.
No mesmo acto, en representación do Cronista Oficial de Foz, os integrantes do Proxecto Educativo entregaron a Neves Cando (Concelleira de Cultura), Alfredo Llano (Alcalde) e Benjamín González (Cronista Oficial de Burela) a copia do pregón das Festas Patronais da localidade escrito e pronunciado en 1986 polo poeta Manuel María.
Finalizado o acto académico, os responsables do Proxecto de Innovación convidaron a unha Cea “Modelo Burela” á representante da administración autonómica. O acto gastronómico celebrouse no Restaurante Miranda, do porto de Burela, onde puideron visualizar un novo xeito de comunicación posto en práctica polo deseñador local Xosé Miranda.
TEXTO DO DISCURSO DA COORDINADORA DO PROXECTO
Subdirectora Xeral de Política Lingüística, Alcalde, Concelleiros e Concelleiras, Equipo directivo, representantes das entidades colaboradoras, compañeiros e compañeiras, reunímonos hoxe aquí cun obxectivo común: A LETRA VIVA, A LETRA GALEGA VIVA XUNTO COAS DAS OUTRAS LINGUAS.
Isto é o que pretendemos día a día os compoñentes do Proxecto de Innovación Lingüística elaborado xa dende hai catro anos e que hoxe continúa coa súa proposta firme de dar a coñecer tanto á comunidade educativa como á sociedade en xeral e, en particular, aos habitantes deste pobo burelés, cómo se vai afianzando a nosa lingua nos distintos sectores da vida cotiá: na administración, no audiovisual, no ensino, na relixión, no deporte, nas artes, no comercio, na hostalaría,… Todo isto veu demostrándose co traballo destes anos. Neste último, no curso 2009-2010, continuamos o percorrido, con novas etapas: levamos o audivisual Modelo Burela por Galiza e alén das nosas fronteiras.
Dende que a mediados de decembro do 2009 Política Lingüística concedeu ao noso Proxecto un accésit o Modelo Burela non fixo máis que percorrer quilómetros e quilómetros para difundir a realidade plurilingüe coa que convivimos sen ter que renunciar ao galego.
Comezou viaxando a Madrid o 26 de xaneiro de 2010 da man de Bernardo Penabade e Matías Nicieza para inaugurar o ciclo “Documentales sobre la memoria” coa presenza do rector da Universidade Complutense.
Ao día seguinte, recibíamos en Burela a tres representantes do Concello de Vigo, encargadas dos departamentos de nomalización lingüística e de inmigración. Aquí puideron coñecer de primeira man o noso Proxecto e as actividades levadas a cabo ata daquela, interesándose principalmente no método empregado para a integración dos inmigrantes.
O día 30 do mesmo mes asistíamos en Santiago de Compostela catro membros do PIL a presentar o noso Proxecto nas
XORNADAS DE FORMACIÓN PARA O PROFESORADO QUE PARTICIPA NOS PROXECTOS DE INNOVACIÓN LINGÜÍSTICA DOS CENTROS DE ENSINO PREMIADOS POLA SECRETARÍA XERAL DE POLÍTICA LINGÜÍSTICA (2009-2010)
Xa no propio Centro, en febreiro, comezamos novas actividades para continuar co proceso de dinamización do galego. A profesora de informática, Esperanza Pernas, fixo co seu alumnado un blog que se irá completando cos integrantes do proxecto, colaboradores especiais e con vínculos ás páxinas das entidades coas que colaboramos (Concello de Burela, IES Monte Castelo, Instituto Sanxillao de Lugo, Consellaría de Educación e Secretaría Xeral de Política Lingüística, Universidade de Santiago, en concreto, coa Facultade de Ciencias da Educación, Deputación da Coruña, Concello de Vigo, AMESDE, Centro Social O Pichel de Santiago, Centro Social A Esmorga de Ourense, A. C. Foucelhas de Ordes ou a A. C. de Trabada, entre outros).
Ademais, demos as pautas para a Xornada de dinamización. En grupos de dous ou tres integrantes do PIL conseguimos ter datos actuais sobre o emprego do galego en distintos ámbitos (necrolóxicas, música, centro de saúde, deporte, comuñóns, casamentos civís e relixiosos) cos que faremos unha publirreportaxe para dar a coñecer os datos á sociedade.
O 2 de marzo, co obxectivo do Modelo Burela de difundir as linguas estranxeiras, contamos coa presenza de Mª Helena Fidalgo de Lemos, profesora de Artes no IES Monte Castelo, natural de Mozambique, dun pequeno pobo onde se fala galego-portugués.
Neste punto do desenvolvemento do Proxecto, os integrantes do PIL están investigando e buscando os interlocutores axeitados para que lles den a información sobre o emprego do galego nos últimos tempos nos distintos campos.
E o Modelo Burela achégase a centros de ensino de concellos veciños, como é o caso de Xove ou Viveiro.
Todo este traballo vese recompensado unha vez máis por un novo premio ao Modelo Burela, o que a Fundación Lois Peña Novo outorga ao Concello de Burela pola integración lingüística a través do Proxecto cuxo berce é o IES Perdouro. O día 30 deste mes de xuño, representantes do Concello, deste Centro e doutros colectivos acudiremos para recoller o premio ao Castelo de Soutomaior.
E para dar testemuño da implicación dos nosos colaboradores na difusión do Proxecto contamos aquí e agora cunha moi boa representación da sociedade á que nos diriximos:
- ROSANA CARBALLÉS FERNÁNDEZ, xogadora do C.D. Burela Fútbol Sala feminino. Nada en Caracas (Venezuela), pertenceu aos equipos de Fútbol Sala de Foz, Xove e Funeraria Apóstol. O seu palmarés é de envidiar: Subcampiona galega infantil (1998), Campiona de España coa selección cadete (2002), Campiona e subcampiona da liga autonómica (2005 e 2006 respectivamente) e na tempada 2008-2009 conseguiu con C.D. Burela F.S.F. o ascenso á División de Honra na que este ano quedaron en sexta posición. Ela e todos os compoñentes do equipo levan o Modelo Burela por España adiante semana tras semana.
- SOFÍA PRIETO LESTAO, rexenta a cafetería-bar A Fazenda aquí en Burela, especializado en cafés e petiscos creativos. Barista profesional, Campiona galega no 2008, terceira clasificada no campionato nacional de baristas 2008-2009 e, por fin, Campiona de España de Catas de café 2009. Agora mesmo estará xa en Londres onde competirá cuns 55 países polo título Mundial.
Desexámoslle moita, moita sorte e mostrámoslles a conversa que con mantivemos con ela o martes no seu lugar de traballo onde o galego rezuma por todas partes.
- ALBANO GONZÁLEZ CANCIO, director da Banda Dambara de Burela. Bo coñecedor do que o Modelo Burela significa, sempre disposto a colaborar nas actividades do Proxecto, este ano ten que estar moi contento por cumprirse dez anos da creación da Banda. Coa súa presenza aquí queremos darlle as grazas por camiñar con pezas musicais representativas de distintas linguas por Burela e fóra de aquí. Esta é só unha moi pequeniña homenaxe que terá continuación a principios do curso que ven.
Deste xeito, damos por rematado o II Encontro Letra Viva. Grazas a todos pola vosa colaboración, grazas polo apoio da Secretaría Xeral de Política Lingüística, do Concello, do Equipo directivo, dos colaboradores e de todos os compañeiros e compañeiras que ano tras ano axudades a que este Proxecto siga adiante. Esta fin de semana redactaremos o Proxecto para o próximo curso, do que vos informaremos no Claustro do martes 29 de xuño para ser levado posteriormente ao Consello Escolar contando co respaldo do Equipo de Normalización Lingüística do Centro.
DISCURSO DE ALBANO GONZÁLEZ
Sra. subdirectora xeral de política lingüística, señor Alcalde, señoras concelleiras e concelleiros, equipo directivo, compañeiras e compañeiros educadores, veciñas e veciños, amigos todos na música…
Fálolles no nome da asociación á que pertenzo.
A asociación cultural musical DAMBARA naceu como un grupo de amigas e amigos aos que lles gustaba a música. Hoxe, somos máis de medio cento de socios, e contamos cunha escola de música propia. O que nós facemos é música de todo o Mundo vista dende o noroeste penínsular, con instrumentos galegos. Así, entendemos a música como unha língua universal, máis representativa de cada xeografía na que naceu e na que vive.
No noso repertorio, asemade de muiñeiras, jotas ou alboradas, podemos atopar pezas senlleiras da historia da música universal, coma yesterday de John Lennon e Paul McCartney, Aida de Verdi, “Yo te quiero dar” de La Mosca, ou La Saeta de Joan Manuel Serrat., asemdade do repertorio de compositores galegos e universais coma Gustavo Freire (Airiños Aires), ou Pascual Veiga. Tamén temos un nutrido número de obras portuguesas e da Raia, froito dos contactos que temos con bandas de Setúbal, Sines (famfarra dos bombeiros voluntarios), Almada, Évora,…
Na actualidade, a banda, compartindo na esencia os principios do noso benquerido “Modelo Burela”, e entendendo que a música é un excelente elemento de relación e unión dos pobos e de integración, temos programadas diferentes actuacións para os seguintes meses e para o ano que ven: na cidade de Córdoba, en Sines (posible actuación no Festival Músicas do Mundo), en Asturias (Festival Intercéltico de Cangas de Onís e de Luarca), etc.
E é que a multinacionalidade está tamén presente nas fileiras da nosa asociación, pois temos ou tivemos integrantes chegados de Andalucía, Castela, Perú, Portugal,…
A banda podemos dicir que imita con exactitude o Modelo Burel asa dende o noso nome: DAMBARA significa percusión en persa, e quixemos que así se chamase porque pensamos que non é necesario nomear cun nome galego á arte que nós facemos. Temos claro que facemos música universal, máis sempre cunha afinación e cun pouso galegos.
Outra particularidade da nosa banda é que está formada por integrantes moi heteroxéneos, e cun amplo espectro de idades, que van dende os 2 anos ata os 75 anos; e é tamén importante destacar que tanto a directiva coma máis da metade dos membros son mulleres. Mulleres traballadoras, que despois de atender ao seu labor diario ou á casa e aos fillos, sempre sacan tempo para vir ensaiar, para logo poder levar a cultura do noso país, e a nosa forma de entender a música polo Mundo adiante.
Sen máis que dicirlles conclúo felicitando ás miñas compañeiras e compañeiros da banda felicitándoos porque penso que a agrupación nosa tamén podemos dicir que é netamente 100% MODELO BURELA, e tamén quería felicitarvos a vós, compañeiros que creastes este modelo de planificación lingüística pola grandísima labor de divulgación da nosa lingua que están a facer. Pois se é certo que todas as linguas son importantes, a nosa, a que nos ensinaron os nosos avós, a que falaban os nosos gaiteiros, tamén o é… para falar na festa, na feira, na casa, e en moitos sitios máis…
Media hora máis tarde, a representante do goberno galego desprazouse ao cemiterio parroquial, onde visualizou os textos de diversas lápidas e mostrou a súa admiración polo labor de dinamización do Proxecto de Innovación do Instituto Perdouro.
Ás sete da tarde, celebrouse o Encontro Letra Viva no IES Perdouro, un acto que contou coa participación de representantes da vida social da localidade. Entre outras personalidades, estiveron presentes a presidenta da Asociación de Veciños “O Vencello”, os presidentes da Sociedade Deportiva Burela e do Clube de Baloncesto Burela e da Asociación de Sendeirismo “Pasada das Cabras”.
Tras a exposición da memoria de actividades, realizada pola profesora María José Andión (coordinadora do Proxecto), os participantes visualizaron a proxección da participación do lingüista hindú Anik Nandi nunha das actividades do Modelo Burela e tributaron unha merecida homenaxe aos promotores do uso lingüístico normalizado nas áreas do deporte, a música e as actividades comerciais. O público acolleu moi vivamente as intervencións de Sofía Prieto, Albano González e Rosana Carballés.
No mesmo acto, en representación do Cronista Oficial de Foz, os integrantes do Proxecto Educativo entregaron a Neves Cando (Concelleira de Cultura), Alfredo Llano (Alcalde) e Benjamín González (Cronista Oficial de Burela) a copia do pregón das Festas Patronais da localidade escrito e pronunciado en 1986 polo poeta Manuel María.
Finalizado o acto académico, os responsables do Proxecto de Innovación convidaron a unha Cea “Modelo Burela” á representante da administración autonómica. O acto gastronómico celebrouse no Restaurante Miranda, do porto de Burela, onde puideron visualizar un novo xeito de comunicación posto en práctica polo deseñador local Xosé Miranda.
TEXTO DO DISCURSO DA COORDINADORA DO PROXECTO
Subdirectora Xeral de Política Lingüística, Alcalde, Concelleiros e Concelleiras, Equipo directivo, representantes das entidades colaboradoras, compañeiros e compañeiras, reunímonos hoxe aquí cun obxectivo común: A LETRA VIVA, A LETRA GALEGA VIVA XUNTO COAS DAS OUTRAS LINGUAS.
Isto é o que pretendemos día a día os compoñentes do Proxecto de Innovación Lingüística elaborado xa dende hai catro anos e que hoxe continúa coa súa proposta firme de dar a coñecer tanto á comunidade educativa como á sociedade en xeral e, en particular, aos habitantes deste pobo burelés, cómo se vai afianzando a nosa lingua nos distintos sectores da vida cotiá: na administración, no audiovisual, no ensino, na relixión, no deporte, nas artes, no comercio, na hostalaría,… Todo isto veu demostrándose co traballo destes anos. Neste último, no curso 2009-2010, continuamos o percorrido, con novas etapas: levamos o audivisual Modelo Burela por Galiza e alén das nosas fronteiras.
Dende que a mediados de decembro do 2009 Política Lingüística concedeu ao noso Proxecto un accésit o Modelo Burela non fixo máis que percorrer quilómetros e quilómetros para difundir a realidade plurilingüe coa que convivimos sen ter que renunciar ao galego.
Comezou viaxando a Madrid o 26 de xaneiro de 2010 da man de Bernardo Penabade e Matías Nicieza para inaugurar o ciclo “Documentales sobre la memoria” coa presenza do rector da Universidade Complutense.
Ao día seguinte, recibíamos en Burela a tres representantes do Concello de Vigo, encargadas dos departamentos de nomalización lingüística e de inmigración. Aquí puideron coñecer de primeira man o noso Proxecto e as actividades levadas a cabo ata daquela, interesándose principalmente no método empregado para a integración dos inmigrantes.
O día 30 do mesmo mes asistíamos en Santiago de Compostela catro membros do PIL a presentar o noso Proxecto nas
XORNADAS DE FORMACIÓN PARA O PROFESORADO QUE PARTICIPA NOS PROXECTOS DE INNOVACIÓN LINGÜÍSTICA DOS CENTROS DE ENSINO PREMIADOS POLA SECRETARÍA XERAL DE POLÍTICA LINGÜÍSTICA (2009-2010)
Xa no propio Centro, en febreiro, comezamos novas actividades para continuar co proceso de dinamización do galego. A profesora de informática, Esperanza Pernas, fixo co seu alumnado un blog que se irá completando cos integrantes do proxecto, colaboradores especiais e con vínculos ás páxinas das entidades coas que colaboramos (Concello de Burela, IES Monte Castelo, Instituto Sanxillao de Lugo, Consellaría de Educación e Secretaría Xeral de Política Lingüística, Universidade de Santiago, en concreto, coa Facultade de Ciencias da Educación, Deputación da Coruña, Concello de Vigo, AMESDE, Centro Social O Pichel de Santiago, Centro Social A Esmorga de Ourense, A. C. Foucelhas de Ordes ou a A. C. de Trabada, entre outros).
Ademais, demos as pautas para a Xornada de dinamización. En grupos de dous ou tres integrantes do PIL conseguimos ter datos actuais sobre o emprego do galego en distintos ámbitos (necrolóxicas, música, centro de saúde, deporte, comuñóns, casamentos civís e relixiosos) cos que faremos unha publirreportaxe para dar a coñecer os datos á sociedade.
O 2 de marzo, co obxectivo do Modelo Burela de difundir as linguas estranxeiras, contamos coa presenza de Mª Helena Fidalgo de Lemos, profesora de Artes no IES Monte Castelo, natural de Mozambique, dun pequeno pobo onde se fala galego-portugués.
Neste punto do desenvolvemento do Proxecto, os integrantes do PIL están investigando e buscando os interlocutores axeitados para que lles den a información sobre o emprego do galego nos últimos tempos nos distintos campos.
E o Modelo Burela achégase a centros de ensino de concellos veciños, como é o caso de Xove ou Viveiro.
Todo este traballo vese recompensado unha vez máis por un novo premio ao Modelo Burela, o que a Fundación Lois Peña Novo outorga ao Concello de Burela pola integración lingüística a través do Proxecto cuxo berce é o IES Perdouro. O día 30 deste mes de xuño, representantes do Concello, deste Centro e doutros colectivos acudiremos para recoller o premio ao Castelo de Soutomaior.
E para dar testemuño da implicación dos nosos colaboradores na difusión do Proxecto contamos aquí e agora cunha moi boa representación da sociedade á que nos diriximos:
- ROSANA CARBALLÉS FERNÁNDEZ, xogadora do C.D. Burela Fútbol Sala feminino. Nada en Caracas (Venezuela), pertenceu aos equipos de Fútbol Sala de Foz, Xove e Funeraria Apóstol. O seu palmarés é de envidiar: Subcampiona galega infantil (1998), Campiona de España coa selección cadete (2002), Campiona e subcampiona da liga autonómica (2005 e 2006 respectivamente) e na tempada 2008-2009 conseguiu con C.D. Burela F.S.F. o ascenso á División de Honra na que este ano quedaron en sexta posición. Ela e todos os compoñentes do equipo levan o Modelo Burela por España adiante semana tras semana.
- SOFÍA PRIETO LESTAO, rexenta a cafetería-bar A Fazenda aquí en Burela, especializado en cafés e petiscos creativos. Barista profesional, Campiona galega no 2008, terceira clasificada no campionato nacional de baristas 2008-2009 e, por fin, Campiona de España de Catas de café 2009. Agora mesmo estará xa en Londres onde competirá cuns 55 países polo título Mundial.
Desexámoslle moita, moita sorte e mostrámoslles a conversa que con mantivemos con ela o martes no seu lugar de traballo onde o galego rezuma por todas partes.
- ALBANO GONZÁLEZ CANCIO, director da Banda Dambara de Burela. Bo coñecedor do que o Modelo Burela significa, sempre disposto a colaborar nas actividades do Proxecto, este ano ten que estar moi contento por cumprirse dez anos da creación da Banda. Coa súa presenza aquí queremos darlle as grazas por camiñar con pezas musicais representativas de distintas linguas por Burela e fóra de aquí. Esta é só unha moi pequeniña homenaxe que terá continuación a principios do curso que ven.
Deste xeito, damos por rematado o II Encontro Letra Viva. Grazas a todos pola vosa colaboración, grazas polo apoio da Secretaría Xeral de Política Lingüística, do Concello, do Equipo directivo, dos colaboradores e de todos os compañeiros e compañeiras que ano tras ano axudades a que este Proxecto siga adiante. Esta fin de semana redactaremos o Proxecto para o próximo curso, do que vos informaremos no Claustro do martes 29 de xuño para ser levado posteriormente ao Consello Escolar contando co respaldo do Equipo de Normalización Lingüística do Centro.
DISCURSO DE ALBANO GONZÁLEZ
Sra. subdirectora xeral de política lingüística, señor Alcalde, señoras concelleiras e concelleiros, equipo directivo, compañeiras e compañeiros educadores, veciñas e veciños, amigos todos na música…
Fálolles no nome da asociación á que pertenzo.
A asociación cultural musical DAMBARA naceu como un grupo de amigas e amigos aos que lles gustaba a música. Hoxe, somos máis de medio cento de socios, e contamos cunha escola de música propia. O que nós facemos é música de todo o Mundo vista dende o noroeste penínsular, con instrumentos galegos. Así, entendemos a música como unha língua universal, máis representativa de cada xeografía na que naceu e na que vive.
No noso repertorio, asemade de muiñeiras, jotas ou alboradas, podemos atopar pezas senlleiras da historia da música universal, coma yesterday de John Lennon e Paul McCartney, Aida de Verdi, “Yo te quiero dar” de La Mosca, ou La Saeta de Joan Manuel Serrat., asemdade do repertorio de compositores galegos e universais coma Gustavo Freire (Airiños Aires), ou Pascual Veiga. Tamén temos un nutrido número de obras portuguesas e da Raia, froito dos contactos que temos con bandas de Setúbal, Sines (famfarra dos bombeiros voluntarios), Almada, Évora,…
Na actualidade, a banda, compartindo na esencia os principios do noso benquerido “Modelo Burela”, e entendendo que a música é un excelente elemento de relación e unión dos pobos e de integración, temos programadas diferentes actuacións para os seguintes meses e para o ano que ven: na cidade de Córdoba, en Sines (posible actuación no Festival Músicas do Mundo), en Asturias (Festival Intercéltico de Cangas de Onís e de Luarca), etc.
E é que a multinacionalidade está tamén presente nas fileiras da nosa asociación, pois temos ou tivemos integrantes chegados de Andalucía, Castela, Perú, Portugal,…
A banda podemos dicir que imita con exactitude o Modelo Burel asa dende o noso nome: DAMBARA significa percusión en persa, e quixemos que así se chamase porque pensamos que non é necesario nomear cun nome galego á arte que nós facemos. Temos claro que facemos música universal, máis sempre cunha afinación e cun pouso galegos.
Outra particularidade da nosa banda é que está formada por integrantes moi heteroxéneos, e cun amplo espectro de idades, que van dende os 2 anos ata os 75 anos; e é tamén importante destacar que tanto a directiva coma máis da metade dos membros son mulleres. Mulleres traballadoras, que despois de atender ao seu labor diario ou á casa e aos fillos, sempre sacan tempo para vir ensaiar, para logo poder levar a cultura do noso país, e a nosa forma de entender a música polo Mundo adiante.
Sen máis que dicirlles conclúo felicitando ás miñas compañeiras e compañeiros da banda felicitándoos porque penso que a agrupación nosa tamén podemos dicir que é netamente 100% MODELO BURELA, e tamén quería felicitarvos a vós, compañeiros que creastes este modelo de planificación lingüística pola grandísima labor de divulgación da nosa lingua que están a facer. Pois se é certo que todas as linguas son importantes, a nosa, a que nos ensinaron os nosos avós, a que falaban os nosos gaiteiros, tamén o é… para falar na festa, na feira, na casa, e en moitos sitios máis…
Subscrever:
Mensagens (Atom)