O escritor Quique de Roxíos (Bual, 1964) estivo presente no encontro músico-literario dedicado á regueifa e o bertso celebrado nas localidades vascas de Igorre, Zeanuri, Areatza e Ondarroa entre os días 27 de abril e 1 de maio.
Convidado pola expedición galega formada por alumnado e profesorado dos institutos de Baio, Vila de Cruces e Burela, o escritor eonaviego achegouse a Ondarroa para participar nas actividades do domingo, día 30 de abril. Durante o momento da acollida, na Confraría Vella do porto pesqueiro vasco, o poeta de Roxíos fixo de ponte entre as dúas comunidades co recitado dun poema (A nosa fala). Posteriormente, recitou de novo no adro da impresionante Igrexa de Santa María, elevada sobre o río Artibai.
Por xentileza do propio escritor, reproducimos aquí o poema e acompañámolo dun vídeo gravado pola expedición do instituto de Vila de Cruces e que está recollido no seu blogue.
MUNDO DE HERBAS
Habitei nun mundo de herbas,
nun mundo sen horizontes,
el mundo da herba nas paredes.
El imperio das herbas del aire,
el continente das herbas del mar.
Enfermei
coa herba das feridas,
coa herba das feridas,
herbas del cego.
Unteime
con herbas salgadas,
herbas del demo.
Cureime
con herbas das bruxas,
herbas de San Llourenzo.
,
Busquei
remedios nas herbas dos amores,
herbas das nubres, herbas da maldición.
Albeitrei ciridonias, rudas, herbas del cuco, herbas dos ensalmos,
herbas das xunqueiras, herbas das rosas...
herbas de herbar.
Afortunado de min, habitei nun mundo de herbas.
Sem comentários:
Enviar um comentário