 |
| Ivandro Soares -no centro da imaxe- no momento posterior ao acto de presentación d'A Candidata (Premio García Barros, 2016), obra narrativa de Miguel Sande. De esquerda a dereita: Matías Nicieza, Bernardo Penabade, Artur Penabade, Luís García, Julia Labrador, Karina Parga, Arturo (Libraría Nobel), Ivandro Soares, Miguel Sande e Alfredo Llano (alcalde de Burela) |
Miruca Parga Valiña
(Coord. ENL)
Recordo perfectamente o primeiro día que Ivandro entrou na aula, xa avanzado o curso. Recordo os seus ollos curiosos en primeira fila, xusto diante de min. Como calquera rapaz que chega novo a unha clase, era tímido. Mais tiña tantas, tantas ganas de aprender... Mostrouse sempre moi interesado en facer todo o que lle propuña, traballaba arreo para familiarizarse cos novos contidos, pero o que máis lle gustaba era ir á aula de Informática.
Alí comezamos a elaborar un vídeo cun poema, unha música e unhas imaxes alusivas aos distintos versos. Sorprendeume o que xa sabía. Comentoume que lle gustaba crear vídeos con cancións, que xa o facía na casa. E vaia se o facía... El puxo todo o que puido da súa parte para adaptarse e sacar algún partido do sistema que o incluíu nunha clase de vinte alumnos en medio do curso, por falta xa de prazas en grupos máis reducidos e cunha atención máis individualizada. Espero que o sistema tamén faga todo o que poida por sacar adiante a un rapaz traballador, e a un rapeiro crítico, con espírito reivindicativo e con competencias sobradas nas TIC.
Sem comentários:
Enviar um comentário